Bakı Dövlət Universitetinin müəllimi metroda ölüb

Qatarda özünü pis hiss edən Əhməd Babayevin həyatını xilas etmək mümkün olmayıb


Bakı Dövlət Universitetinin (BDU) müəllimi Əhməd Babayev metroda vəfat edib. 


BDU-dan Meydan TV-yə bildiriblər ki, hadisə dekabrın 9-da, səhər saat 9 radələrində baş verib. 


Müəllim qatarda özünü pis hiss edib, onu platformaya çıxarıblar. 


Təcili yardım çağırılsa da, həyatın xilas etmək mümkün olmayıb. Onun ürəktutmasından öldüyü güman edilir.


Əhməd Babayev, Foto: BDU-nun rəsmi səhifəsi


Əhməd Babayev BDU-nun Kimya fakültəsinin Analitik kimya kafedrasının baş müəllimi idi. 


72 yaşlı dosent Əhməd Babayev 1978-ci ildən bu universitetdə çalışırdı.