Zakir Həsənov: "Terrorla mübarizədə Türkiyənin yanındayıq"

Müdafiə naziri general-polkovnik Zakir Həsənov Türkiyənin milli müdafiə naziri cənab Hulusi Akara və Baş Qərargah rəisi Yaşar Gülerə başsağlığı verib. 


Müdafiə Nazirliyinin yaydığı məlumatda belə deyilir. 


"Şanlıurfanın Akçakale bölgəsində xaincəsinə edilmiş terror hücumu nəticəsində, şanlı türk ordusunun 3 hərbi qulluqçusunun şəhid olması xəbəri məni dərindən kədərləndirdi. Sizin acınız bizim də acımızdır. Terrora qarşı aparılan kəskin mübarizədə daim qardaş Türkiyə Silahlı Qüvvələrinin yanındayıq və Sizi var gücümüzlə dəstəkləyirik", - deyə qeyd olunur.


Azərbaycanın müdafiə naziri terrorla mübarizədə Türkiyənin yanında olduğuqlarını vurğulayıb.