1904 gündəlik yoluxma, 29 ölüm

Noyabrın 23-də verilən məlumata görə, habelə, COVID-19 üçün götürülən analiz nümunələri müsbət çıxan 29 nəfər vəfat edib

Son bir gündə Azərbaycanda koronavirus (COVID-19) infeksiyasına 1904 yeni yoluxma faktının qeydə alındığı və bu virusa yoluxanlardan 1833 nəfərin sağaldığı bildirilir.

Nazirlər Kabineti yanında Operativ Qərargahdan noyabrın 23-də verilən məlumata görə, habelə, COVID-19 üçün götürülən analiz nümunələri müsbət çıxan 29 nəfər vəfat edib.

Bildirildiyinə görə, indiyədək ölkədə ümumilikdə 576 min 703 nəfərin koronavirus infeksiyasına yoluxması faktı müəyyən edilib, onlardan 541 min 327-i sağalıb, 7686-i vəfat edib, aktiv xəstə sayı 27690-a yüksəlib.

Xatırlatma

2019-cu ilin sonlarında dünyada yeni koronavirus aşkar edilib.

2020-ci il martın 11-də Dünya Səhiyyə Təşkilatı koronavirusu pandemiya elan edib.

Dünyada sürətlə yayılan bu virusdan indiyə qədər 5.1 milyondan çox şəxsin vəfat etdiyi açıqlanıb.

Mənbə: AzadlıqRadiosu
"24 saat"